Skip to content

Sujttobarggijda

Dunji guhti sáme patientaj gávnada.

Dánna lip diedojt tjoahkkim ma máhtti ávkken årrot dunji guhti la sujttobargge ja sáme patientajt iejvvi.

Foto: Carl-Johan Utsi

Sjiehtadallam Sánagijn

Dajva Dalarnin, Jämtland Härjedalenin, Norrbottenin ja Västerbottenin la aktisasjsjiehtadallam Sáme nasjåvnålasj máhttudakdievnastus psyhkalasj varresvuodasuoddjim ja gárevsälgga, Sánagijn, Vuonan. Sánag fálli guoradallamijt ja sujtov mánájda, nuorajda ja ållessjattugijda psyhkalasj vájvij jali báddnumgássjelisvuodaj. Duodden la Sánagijn sierra åvdåsvásstádus jäbddásasj sujtov fállat sáme álmmugij.

Sjiehtadallam dajvaj ja Sánaga gasskan merkaj vaj dajva máhtti remissav rádjat Sánagij patientajda gejn li dárbo giella- ja kultuvrrahiebadum sujttuj. Duodden oadtju dåktåvrå vuodosujton ja psykiatridjan Sánagijn rádádallat jali ádnot bagádimev masi patiänntaj guosská. Bagádibme máhttá ålles barggogáttsev gåbttjåt ja tjielggiduvvat degu guhkep ságastallam terapidja birra juogu dal patienta birra jali patienta siegen. Sjiehtadallam gåbttjå aj åhpadusáv, auskultasjåvnåv, oahppoguossev ja randningav.

Sjiehtadallama li sierralágátja juohkka dajvan, viertti snivva gähttjat gåktu li remissaj hárráj ietjat dajvan.

Válde aktijvuodav lenaaktijdiddjijn ietjat dajvan jus fålldårijt dárbaha vuorddemladnjaj jali patientajda gudi li Sánagij vuolgátjit. Dán biele låhpan gávna aj fålldårijt majt máhtá lieddit vuolus.

Gielladålkkå

Jus sihtá dålkåv de galggá vuostatjin tjuovvot ietjas organisasjåvnå dålkkåmvuogijt. Ájnas la árrat ánodit gå dålkåjs li binná. Samedikke häjmmabielen la lissta sáme dålkåjs ma gávnnuji.

Mujte vaj gávnnuji vihtta dåhkkidum giela Svierigin. Jus i diede makkir sámegielav patiännta ságas – gatjáda!

Sierralágásj ájnas máhttá årrot jus nuorap mánájt iejvvi.

Care to translate

Care to translate la giellaahppa manna l ulmme giehpedit sujttogávnadimijt. Hiehpá goappátjagá patientajda ja sujttobarggijda. Máhttudakvärmmádahka sáme varresvuohtaj diehti gávnnu ahppa nuortta- ja julevsábmáj. Navku máhttá dav vuolus lieddit.