Skip to content

Dearvvašvuođabargiide

Dutnje gii deaivvadat sámi pasieanttaiguin

Dása leat čohkken dieđuid mat sáhttet leat ávkin dutnje gii barggat divššus ja muhtomin deaivvadat sámi pasieanttaiguin.

Foto: Carl-Johan Utsi

Šiehtadus SÁNAG:in

Dalarna regiovnnas, Jämtlándda Härjedalena regiovnnas, Norrbottena regiovnnas ja Västerbottena regiovnnas lea ovttasbargošiehtadus Sámi našuvnnalaš gealbobálvalusain – psyhkalaš dearvvašvuođasuddjen ja gárrendilli, mii lea Norggas. SÁNAG fállá guorahallama ja divššu mánáide, nuoraide ja rávisolbmuide psyhkalaš dearvvašvuođa- ja sorjjasvuođadivššus. SÁNAG:s lea maid erenoamáš ulbmil sápmelaččaide oččodit ovttadássásaš fálaldaga divššus.

Regoivnnaid šiehtadus SÁNAG:in mielddisbuktá ahte regiovnnat sáhttet remitteret pasieanttaid geain lea dárbu gielalaš ja kultuvrralaš heiveheapmái dikšui SÁNAG:i. Dasa lassin sáhttet doaktárat vuođđodearvvašvuođabálvalusas ja psykiatriijas ráđđádallat SÁNAG:in dahje gáibidit pasieantaguoski bagadusa. Konsultašuvdna sáhttá leat olles bargiidjoavkkuin ja meroštallot guhkit ságastallamin terapiija birra, pasieantta birra dahje ovttas pasieanttain. Šiehtadus fátmmasta maiddái oahpahusa, auskultašuvnna, oahppomátkki ja liigeoahpu.

Fuomáš ahte šiehtadus rievddada regiovnnas regiovdnii, guorahala erenoamážit geain din regiovnnas lea remitterenvuoigatvuohta.

Váldde oktavuođa du regiovnna leanakoordináhtoriin jus dárbbašat gihppagiid vuordinlatnjii dahje pasieanttaide geat galget vuolgit SÁNAG:i. Gihppagiid maid sáhtát elektrovnnalaččat viežžat gávnnat maiddái dás vuolde.

Gielladulka

Jus lea sávaldat oažžut gielladulkka, de čuovut vuosttaš lávkkis iežat organisašuvnna dábálaš dulkonrutiinnaid. Lea dehálaš ovddas jurddašit danin go dulkkaid lohku lea ráddjejuvvon. Sámedikkis lea ruovttusiiddustis listu mas oaidná vejolaš dulkkaid.

Muitte ahte gávdnojit vihtta dohkkehuvvon sámegiela Ruoŧas. Jus it dieđe vissásit makkár sámegiela pasieanta ságasta, de jeara!

Sáhttá leat erenoamáš dehálaš jurddašit dulkka jus deaivvadat nuorat mánáiguin.

Care to translate

Care to translate lea giellapp man ulbmil lea geahpidit dikšodeaivvademiid. Dat lea oaivvilduvvon sihke pasieanttaide ja divššu bargiide. Ovttasbarggus Sámi dearvvašvuođafierpmádagain lea appa dál ásahuvvon sihke dávvi- ja julevsámegillii. Dan sáhttá nuvttá viežžat.