Dunji guhti sujtov, dårjav jali viehkev dárbaha

Válde aktavuodav sujtujn.

Máhttudakvärmmádahka sáme varresvuohtaj ij sujtov fála jalik patientajt duossto. Válde aktavuodav ietjat varresvuodaguovdátjijn rávvitjit jali skuolka 1177 skihpasujttorádijda. Dánna aj gávna diedojt www.1177.se. Hähkkaskihpudahka, skuolka 112.

Lulu gus sihtat sujtov Sánaga baktu?

Sánag doarjjá dajvajt psykriatrak sujtujn ulmutjijda gejn li sáme duogásj. Sánag la sáme nasjåvnålasj máhttudakguovdásj psykalasj varresvuohtaj ja gárevsälggaj Vuonan. Jus åro dajvajn Dalarnin, Jämtland Härjedalenin, Norrbottenin jali Västerbottenin, de la dunji máhttelis Sánaga baktu sujtov oadtjot. Válde aktavuodav ietjat varresvuoda- jali sujtoguovdátjijn de sijás viehkev oattjo. Lågå ienebuv dán bielen1177.se.

Muodástuvá máná birra?

Juohkka mánájn la riektá jasskavuodan badjánit. Dan diehti la juohkka ållessjattugin åvdåsvásstádus duodaj válldet ja dahkat juojddá jus jáhkká mánná ij buoragit vieso. Jus inármasstá/gáddalusjá mánná soamesláhkáj báktjiduvvá de bierri agev sosiáladievnnuj diededit. Priváhtaulmutjin máhtá agev namádibmen bissot.

Bielen 1177.se máhtá låhkåt ienebuv makkir láhkáj máná máhtti báktjiduvvat, gåktu dav ájttsá, gåktu sosiáladievnov jåvså ja aj mij dáhpáduvvá gå dav dagá. Rädda barnen häjmmabielen li aj buorre diedo dunji gut inármasstá/gáddalusjá. Bielen dagsattprataom.se gávnnuji diedo ja ráde mánájda ja ållessjattugijda vaháguvvama ja sesksuálalasj illastime birra máná vuosstij. Biele duogen la Stiftelsen Allmänna barnhuset.

Namádis doarjjatjáhtta sáme báhtjajda

Juohkka nuppe dijstagá (bielisj vahkojt) kloahkka 19-21 máhtá dån gut la sáme báhttja tjáhttit dán bielen killar.se. Dat la doarjjatjáhtta gånnå sáme iesjmiellusattja vásstedi ja danna máhtá namádibmen tjállet. Akta man birra máhtá tjáhttit. Doarjjatjáhtta l organisasjåvnå MÄN:a duogen aktisattjat Máhttudakvärmmadadgájn sáme varresvuohtaj ja Sáminuorrajn.

Organisasjåvnå ja joura ma máhtti viehkedit

Jourhavande medmänniska
Jourhavande medmänniska la dunji gudi dárbaha ságastit náginijn daj muttoj gå iehtjáda älla gåhtsemin. Máhtá tjáhttit jali skuolkkat 08-702 16 80.

Jourhavande präst
Biejvevirgálasj härrá la rahppot gájkajda gudi dárbahi ulmusjgasskasasj dårjav iján. Gut vásstet adná sjávovälgov ja dån iesj la namádibme. Skuolka 112 ja ánoda biejvevirgálasj härrájn ságastit Máhtá aj tjáhttit jali brevav tjállet.

Självmordslinjen
Iesjsårmmimlinnja l dunji gejn li ájádusá ietjat sårmmit jali dunji gänna l lagámus daj lágásj ájádusáj. Iesjsårmmimlinjav jåvså tjáhta jali telefåvnå baktu numarijn 90101. Jánndurav birra l rahppot. Skuolka 112 jus la hähkka iesjsårmmimvádá.

Spes
Doarjjalinnja dunji guhti l soabmásav iesjsårmmimij bässtám. Skuolka 020-18 18 00.

Kvinnofridjslinjen
Kvinnofridslinjen la nasjåvnålasj doarjjatelefåvnnå dunji guhti l fysalasj, psykalasj jali seksuálalasj vaháguvvamijda illastuvvam. Lagámus ulmutja ja famillja máhtti aj skuolkkat. Danna skihppijsujttára ja sosionåvmå duosstu jánndurav birra. Skuolka 020-50 50 50.

BRIS
BRIS la rahppot jánndurav birra dunji Máhtá tjáhttit jali skuolkkat 116 111. BRIS:an la aj telefåvnnå ållessjattugijda mij la doarjjan ja rádevadden gatjálvisáj mánájvidjurij birra. Brisa ållessjattuktelefåvnåv jåvså dán nummarin 077-150 50 50.

Livslinjen
Viessomlinnja l dunji gudi la 16-25 jage gasskan ja sidá tjáhttit ållessjattugijn. Tjáhtta l rahppot iehkedis duorastagás gitta ájllegij.

Umo
Umo la webbabielle dunji 13-25 jage gasskan. Danna oattjo diedojt rubmaha, sexa, gasskavuodaj, psykalasj varresvuodaj, alkohåvlåj ja gárevselgaj birra ja galle ietjá diedojs.

Killar.se
Killar.se la doarjjabielle gájkka báhtjajda gasskan 10-25 jage Siján la namádis doarjjatjáhtta mij la rahppot sådnåbiejves duorastáhkaj kl. 19-21. Juohkka nuppe dijstagá (Bielisj vahkojt) máhtá válljit sáme iesjmiellusattjaj tjáhttit.

Tjejzonen
Tjejzonen la Svieriga stuorámus doarjjaorganisasjåvnnå näjtsojda. Sij tjalmostahtti näjtsojt gassko 10-25 jage. Siján la doarjjatjáhtta mij la rahppot juohkka biejve kl. 20-22. Danna l tjabu sierra bårråmmájnnetjáhtta.

Maskrosbarn
Maskrosbarn fálli doarjov tjáhtta baktu dunji gänna l äjgát manna l báddnumgássjelisvuoda, psykalasj vájve jali gut duv vahágahttá. Tjáhtan vásstedi ållessjattuga gejn li ietjasa vásádusá badjánit äjgádijn gássjelisvuodaj. Tjáhtta l rahppot duorastagás ájllegij iehkedis.

Äldrelinjen
Vuorrasijlinnja l dunji gut la vuorrasap japsykalattjat nievret väjá jali jus guhkaha soabmásijn ságastit. Linjan barggi iesjmiellusattja gejt jåvså gå skuolka 020-22 22 33.

Anhöriglinjen
Lagámusberrahijlinnjan duosstu ulmutja edna máhtalgisvuodajn. Skuolka 0200-239 500.

Alkohollinjen
Alkohollinnja l dunji gut sidá dårjav ietjájduvvat ietjat alkoholdábijt. Siján la rahppot juohkka árggabiejve. Skuolka 020-84 44 48.

Regnbågslinjen
Átjájuoksalinnja l dunji gudi dåbdå gullu HBTQI-spektrumij, lagámus berrahijda, lagámus rádna ja venaga HBTQI-ulmutjijda. Linnja l rahppot juohkka duorastagá kl.16-21. Skuolka 0770-55 00 10.

Transammans
Transammans la nasjåvnålasj aktidus transulmutjijda ja sijá lagámusájda.